நாட்டின் முன்னேற்றத்திற்காக உழைத்த மக்களின் முதுமை காலத்தை சமூக பாதுகாப்பு மூலம் உறுதிப்படுத்தி, அரச ஓய்வூதிய நலன்களை வழங்கும் நோக்கில் 1996 ஆம் ஆண்டிலிருந்து செயற்பட்டு வரும் அரசியலமைப்புச் சட்டத்தின் கீழ் நிறுவப்பட்ட நிறுவனம் தான் இலங்கை சமூக பாதுகாப்பு சபை ஆகும்.

இந்நிறுவனம் நாட்டின் அனைத்து மாவட்ட செயலகம் மற்றும் பிரதேச செயலகங்கள் ஊடாக இத்திட்டத்தை செயற்படுத்தி, மக்களுக்கு விழிப்புணர்வு ஏற்படுத்தி, உறுப்பினர்களை இணைத்துக்கொள்வதோடு நலன்களை வழங்கும் பணிகளையும் மேற்கொள்கின்றது.

பதுளை மற்றும் மொனராகலை மாவட்டங்களில் 2023 மற்றும் 2024 ஆண்டுகளில் தங்களது பிரதான கடமைகளுக்கு அப்பாற்பட்ட பணிகளிலும் ஈடுபட்டு, சமூக பாதுகாப்பு ஓய்வூதிய திட்டங்களில் மக்களை இணைத்துக் கொள்ளச் சிறப்பாக செயற்பட்ட அரச உத்தியோகத்தர்களின் சேவையை பாராட்டும் நிகழ்வு 2025.10.14 ஆம் திகதி பதுளை சைமன் பீரிஸ் நகர மண்டபத்தில் சிறப்பாக நடைபெற்றது.

இவ்விழாவில் ஆண்டுதோறும் அதிகமான உறுப்பினர்களை இணைத்துக் கொள்ளல் மற்றும் நிதி மதிப்பீட்டின் அடிப்படையில் இலக்குகளை நிறைவேற்றிய மாவட்ட மற்றும் தேசிய மட்டத்தில் வெற்றி பெற்ற 162 உத்தியோகத்தர்கள் பாராட்டப்பட்டனர்.

2023 ஆம் ஆண்டில், நிதி பிரிவின் கீழ் மாவட்ட மட்டத்தில் முதல், இரண்டாம் மற்றும் மூன்றாம் இடங்களை முறையே மீகஹகிவுல, ஹாலிஎல மற்றும் பசறை பிரதேச செயலக பிரிவுகள் பெற்றுக்கொண்டன.

2024 ஆம் ஆண்டில், நிதி பிரிவின் கீழ் மாவட்ட மட்டத்தில் முதல், இரண்டாம் மற்றும் மூன்றாம் இடங்களை முறையே ஹாலிஎல, வெளிமடை மற்றும் பசறை பிரதேச செயலக பிரிவுகள் பெற்றுக்கொண்டன.

நாட்டிலேயே அதிக உறுப்பினர்களை இணைத்துக் கொள்ளலை மேற்கொண்ட பிரதேச செயலக பிரிவுகளில் மூன்றாம் இடத்தை பெற்று, தேசிய மட்ட வெற்றியையும் வெளிமடை பிரதேச செயலக பிரிவு பெற்றது.

2024 ஆம் ஆண்டில் பதுளை மாவட்டம், உறுப்பினர்களை இணைத்துக் கொள்ளல் எண்ணிக்கையின் அடிப்படையில் நாட்டிலேயே மூன்றாம் இடத்தையும், நிதி மதிப்பீட்டின் அடிப்படையில் இரண்டாம் இடத்தையும் பெற்று தேசிய மட்டத்தில் இரு வெற்றிகளைப் பெற்றது என்பது குறிப்பிடத்தக்கது.

இவ்விழாவில் பதுளை மாவட்ட செயலாளர் பண்டுக ஸ்ரீ பிரபாத் அபேவர்தன, இலங்கை சமூக பாதுகாப்பு சபையின் தலைவர் எம்.கே.பி. திசாநாயக, பதுளை மாநகர மேயர் நந்தன ஹபுகொட, பிரதேச செயலாளர்கள், உதவி பிரதேச செயலாளர்கள் உள்ளிட்ட பலர் கலந்து கொண்டனர்.